کابل ۔ 27 اپریل (اے پی پی)افغانستان دی سیکورٹی فورسز ملک دے مختلف علاقیں وچ زمینی اتے فضائی کاروائیاں وچ 33عسکریت پسنداں کوں ہلاک کرنڑ دا دعویٰ کیتاہے، ننگر ہار وچ داعش اتے طالبان وچال جھڑپاں وچ بئے 14بندے ہلاک تھی گئے۔افغان میڈیا دے مطابق افغان وزارت دفاع ولوں جاری تھیونڑ آلے ہک بیان وچ آکھیا گیا ہے جو گزریل ڈینھ ملک دے مختلف علاقیاں وچ فوج زمینی اتے فضائی کاروائیاں کیتیاں،انہاںکاروائیاں وچ 33عسکریت پسند ہلاک اتے ڈھگ سارے زخمی تھی گئے۔بیان دے مطابق ایہ کاروائیاں فاریاب،بغلان، میدان وردک اتے بئے صوبیاں وچ کیتیاں گئیاں۔بیان وچ ہک فوجی اہلکار دی ہلاکت دی تصدیق کیتی گئی ہے۔صوبہ ننگر ہار وچ شدت پسند تنظیم داعش اتے طالبان وچال جھڑپاں وچ بئے 14بندے ہلاک تھی گئے۔صوبائی پولیس دے ترجمان ڈسای ہے جو ھسکہ مینہ دے علاقے وچ ڈوہائیں تنظیماں وچال جھڑپاں وچ ہنڑ تائیں 35توں ودھ بندے ہلاک تھی گئے ہن۔مرنڑ آلیاں وچ داعش دا اہم کمانڈر وی شامل ہے۔