اسلام آباد ۔ 28اپریل (اے پی پی) امریکا اچ پاکستان دے سفیر جلیل عباس جیلانی آکھیا اے جو امریکا اچ پاکستان تعلیم دے شعبے اچ تعاون کوں ودھارا ڈیندے پئے ہن اتے پاک امریکہ سٹرٹیجک ڈائیلاگ دے زیر انتظام ایجو کیشن گروپس تنظیم نو ایں سلسلے اچ ہک کڑی ہے ۔ امریکا دی یونیورسٹی آف کیلیفورنیا اچ فل برائٹ ایجوکیشن پروگرام دے تحت منعقدہ سیمینار توں خطاب کریندے ہوئیں جلیل عباس جیلانی آکھیا جو پاکستان اتے امریکا سائنس تے ٹیکنالوجی دے شعبے اچ تعاون دے معاہدے دے تحت مختص تحقیقی فنڈ کو ںدگنا کرنڑتے اتفاق کیتا ہے۔ جلیل عباس جیلانی آکھیا جو گزریل سال تھیونڑ آلی ملاقات اچ امریکی صدر براک اوباما اتے وزیراعظم محمد نواز شریف پاکستان اتے امریکا وچال تعلیم اتے سائنس تے ٹیکنالوجی دے شعبے اچ تعاون دے ودھارے دا فیصلہ کیتا ۔ہنڑ تئیں ایں ضمن اچ کئی اقدامات کیتے گئے ہن ۔ایں سال فروری اچ پاکستان تے امریکہ ہک معاہدے تے دستخط کیتے جیں نال پاکستان آندے 5سال اچ 125پاکستانی شہریاں کوں پی ایچ ڈی سانگے امریکا بھجیسی ۔اے تعداد فل برائٹ ایجوکیشن پروگرام دے تحت ڈتے گئے وظائف دے علاوہ ہوسی۔جلیل عباس جیلانی آکھیا جواساڈی خواہش ہے جو مریکی یونیورسٹیاں اچ10ہزار پاکستانی طالبیں کوں پی ایچ ڈی کرائی ویسی ۔
