امریکا وچ ڈو سال دے بال دے ہتھوں بندوق چلنڑ نال ما ہلاک

تہران ۔ 28 اپریل (اے پی پی)مریکی شہر ملواکی وچ ڈو سال دے بال حادثاتی طور تے اپنڑی ماں کوں گولی مار تے ہلاک کر ڈتا۔ہلاک تھیونڑآلی تریمت پیٹرس پرائس دے پیو اینڈری دے مطابق انہاں دی دھی اپنڑے ساتھی دی گاڈی چلیندی ہائی جیہڑاسکیورٹی گارڈ ہائی اتے ایندی بندوق گاڈی دی پیچھلی سیٹ تے رہ گئی۔انھاں ڈسایا جو پیٹرس پرائس دے کار وچ بھونڑ نال ڈو سال دے پتر کوںا یہ بندوق مل گئی اتے ایندے کنوں حادثاتی طور تے چل گئی۔پولیس دا آکھنڑ ہے جو مقامی شاہراہ تے گاڈی چلیندے پیٹرس پرائس کوں کنڈ تے ہک گولی لگی۔پولیس دے مطابق گاڈی وچ پرائس دی ماں اتے انہاں دا ہک سال دا ڈوجھا پتر وی موجود ہائی۔گذریل مہینے فلوریڈا وچ وی ایجھا ہک واقعہ پیش آیا ہائی جیندے وچ چار سا ل دے بال اپنڑی ماں کوں گولی مار ڈتی ہائی۔حکام دے مطابق گاڈی دی سیٹ دے تلے رکھی بندوق رڑھ تے پیچھوں چلی گئی اتے اتھاں بیٹھے بال بیلٹ کھول تے ایکوں پکڑ گھدا اتے ایندے نال گولی چل گئی۔ یاد رہوے جوایں حادثے وچ تریمت دی جان بچ گئی ہائی۔