اسلام آباد ۔27 اپریل (اے پی پی )پاکستان کرکٹ بورڈ دے زیر اہتمام پاکستان بین الصوبائی ون ڈے کرکٹ کپ وچ (اج) خمیس کو ں ہک میچ کھیڈیا ویسی جیندے وچ بلوچستان اتے اسلام آباد دیاں ٹیماں آمنڑے سامنڑے ہوسن۔ بلوچستان ٹیم دی قیادت قومی ون ڈے ٹیم دے کپتان اظہر علی کریسن جڈانجو اعجاز احمد اتے تیمور احمد کوچنگ پینل وچ شامل ہن جڈانجو کھلاڑیاں وچ اظہر علی، اویس ضیائ، رمیض راجہ جونیئر، بابر اعظم، عمر اکمل، شاہد یوسف، محمد حسن، محمد نواز، سہیل تنویر، جنید خان، بلاول بھٹی، عمر گل، اسامہ میر، سعید اجمل اتے انڈر 19دے عمران خان اتے لیفٹ آرم اسپنر غلام حیدر شامل ہن۔ پاکستان دی ٹیسٹ ٹیم دے کپتان مصباح الحق فیڈرل ٹیم دی قیادت کریسن جڈانجو صبیح اظہر کوچنگ کر یسن اتے کھلاڑیاں وچ مصباح الحق، شرجیل خان، ناصر جمشید افتخار احمد، رضا علی ڈار، حماد اعظم، سرمد بھٹی، کامران اکمل، عمران خالد، ظفر گوہر، ایم سمیع، محمد عرفان، حسن علی، ایم عباس انڈر 19دے ارسل شیخ اتے آل رائونڈر سپنر شاداب خان شامل ہن۔ واضح رہوے جو ٹورنامنٹ وچ29 اپریل کوں پنجاب اتے سندھ دیاںٹیماںآپس وچ کھیڈسن۔ 30 اپریل کوں ریسٹ ہوسی۔ ٹورنامنٹ دیاں ٹاپ ڈو ٹیماں وچال یکم مئی کوں فائنل میچ کھیڈیاویسی۔
