ترکی دے سفیربابرگرگین دی منیجنگ ڈائریکٹر ”اے پی پی” مسعود ملک نال گالھ مہاڑ

اسلام آباد ۔ 28 اپریل (اے پی پی) پاکستان اچ ترکی دے سفیربابرگرگین ‘ ترکی دا سرکاری خبررساں ادارہ ا تے ایسوسی ایٹڈ پریس آف پاکستان(اے پی پی)اچ قریبی تعاون ودھاونڑ دی خواہش کریندیں ہوئیں آکھیا جو ڈوہاں پاکستان اتے ترکی دے سرکاری خبر رساں ادارے خبراں،تصویراں اتے ویڈیوز دے تبادلیاں نال آپنڑے آپنڑے ملکاںبارے مثبت تاثر کوں اجاگر کر سگدن۔بابرگرگین آکھیا جو پاکستان اتے ترکی ڈوہاں مغرب دے منفی پروپیگنڈے دا شکار ہن ۔انہاں اسلام فوبیا دا موثر جواب ڈیونڑ سانگے میڈیا کوں بروئے کار گھن آونڑ دی لوڑھ تے زور ڈتا۔انہاں ترکی اتے پاکستان دی سرکاری خبر رساں اداریاں اچ خبراں دے تبادلے بارے پہلے ای موجود معاہدے دی بحالی تے زور ڈیندیں ہوئیں ترک ٹیلی ویژن کارپوریشن نال تعاون ودھاونڑ دی تجویز پیش کیتی۔ترکی دے سفیر پاکستانی صحافی دے ناں تے سانجھی تصویری نمائش کراونڑ دی تجویز وی ڈتی۔ ایم ڈی ”اے پی پی” مسعود ملک ‘ ترک سفیر کوں ڈسیندیں ہوئیں آکھیا جو اسلامی ملکاں دی خبر رساں ادارے اچ تعاون اچ ودھارا انہاں دی پہلی ترجیح اے ۔ترک سفیر نیوز ایجنسی دے مختلف سیکشناں دا دورہ کیتا اتے ادارے دے کم بارے بریفنگ ڈتی گئی۔