حکومت عوام دی فلاح تے بہبود سانگے دل نال کم کریندی پئی ہے وزیراعظم محمد نواز شریف دی قومی اسمبلی دے رکناں اظہر قیوم تے رانا محمد حیات نال ملا قات اچ گالھ مہاڑ

اسلام آباد ۔ 28 اپریل (اے پی پی) وزیراعظم محمد نواز شریف آکھیا اے جو موجود ہ حکومت عوام دی فلاح بہبود سانگے نیت نال کم کریندی پئی ہے اتے عوام کوںملک دی ترقی اتے خوشحالی سانگے اپنڑیاں چنگیاں صلاحیتاں استعمال اچ گھن آونڑ سانگے موقع پیدا کریندی پئی ہے ۔انہاں اے گالھ این اے 100توں منتخب قومی اسمبلی دے اظہر قیوم اتے این اے 142 توں رکن قومی اسمبلی رانا محمد حیات نال گالھ مہاڑ کریندے ہوئیں کیتی جنہاں وزیراعظم ہاﺅس اچ انہاں نال انجھ انجھ ملاقات کیتی ۔وزیراعظم آکھیا جو موجودہ حکومت عوام دے زندگی دے معیار کوں اچا کرنڑ سانگے پر عزم ہے ،اساں ترقی اتے اصلاح دے ایجنڈے دی سرگرمی نال پیروی کریندے پیوں ۔وزیراعظم ارکان پارلیمان تے زور ڈتا جو او سیاسی مخالفین ،جیرھے جو محض اپنڑے ذاتی مفادات سانگے ملک کوں ترقی اتے خوشحالی دی دی راہ توں ہٹاونڑ چاہندے ہن ،دی پرواہ کیتے بغیر اپنڑے حلقے دے عوام دی بہبود اتے ترقی تے توجہ رکھن۔ارکان پارلیمان وزیراعظم کوں اپنڑے حلقیں اچ ترقیاتی منصوبیاں اتے ،عوامی سکیماں ،اتے سیاسی امور بارے ڈسایا ۔ڈوہیں ارکان قومی اسمبلی ملک کوں ترقی دی شاہراہ تے گامز ن کرنڑ تے وزیراعظم دی قیادت کوں سراہیا ۔انہاں آکھیا جو چنگی سیکورٹی اتے ملک اچ وڈے پیمانے تے بنیادی ڈھانچے دے ترقیاتی منصوبے حکومت دی منفرد کامیاں ہن ۔