اسلام آباد ۔ 22 اپریل (اے پی پی) وزیر خزانہ سینیٹر اسحاق ڈارآکھیا اے جو حکومت گڈ گورننس کوں یقینی بنڑایاہے اتے اداریں اچ شفافیت کوں یقینی بنڑیسی ۔ریڈیو پاکستان کوں ہک انٹر ویو ڈیندے ہوئیں انہاں آکھیا جو حکومت ملک اچ بہوں ترقیاتی اتے فلاحی منصوبے شروع کیتے ہن اتے قومی معیشت کوں مزید مستحکم بنڑاونڑ دے سلسلے اچ شاندار کامیابیاں حاصل تھیاں ہن ۔انہاں آکھیا جو پاناما لیکس دے بعد وزیراعظم محمد نواز شریف قوم توں خطاب کیتا اتے ایں معاملے تے انکوائری کمیشن بنڑاونڑدا اعلان کیتا ۔انہاں آکھیا جو اپوزیشن رہنماویں دے بے جا بیانات پاروں سابق چیف جسٹس ،جسٹس ناصرا لملک سمیت سپریم کورٹ دے کئی جج صاحبان کمیشن دی سربراہی توں انکار کیتا ۔
