اسلام آباد ۔ 26 اپریل (اے پی پی) صدر مملکت ممنون حسین آکھیا اے جو پاکستان دے آذر بائیجان کوں دفاع ،مواصلات ،اتے توانائی دے شعبے اچ تعلقات کوں ودھاونڑاں چاہیدے۔انہاں اے گالھ آذر بائیجان دے وزیر برائے دفاعی صنعت یاور جمالوف نال گالھ مہاڑ کریندے ہوئیں آکھی جنہاںمنگل کوں صدر مملکت نال ایوان صدر اچ ملاقات کیتی ۔صدر مملکت آکھیا جو پاکستان تے آذر بائیجان وچال برادرانہ تعلقات ہن ۔انہاں آکھیا جو ڈوہیں ملکاں وچال تجارتی حجم دی صلاحیت توں گھٹ ہے جیں اچ ڈو طرفہ تجارت اچ وسعت نال ودھایا ونج سگدے ۔صدر مملکت امید ظاہر کیتی جو پاک آذر بائیجان مشترکہ وزارتی کمیشن دا چھیواں اجلاس معاشی تعلقات کوں پکا کرنڑ اتے ڈو طرفہ تجارت کوں ودھاونڑ اچ معاون ثابت تھیسے ۔صدر مملکت آکھیا جو پاکستان دہشت گردی دا شکار رہیا ہے ،دہشت گردی دے خاتمے سانگے اپریشن ضرب عضب کامیابی نال جاری ہے ،صدر ممنون حسین آکھیا جو ڈو طرفہ تعلقات کوںمزید پکا کرنڑ سانگے عوامی سطح تے رابطے کوں ودھاونڑ اتے تجارتی ثقافتی تبادلیں دی ضرورت ہے ۔۔ ملاقات اچ وفاقی وزیر پٹرولیم شاہد خاقان عباسی اتے وفاقی وزیر دفاعی پیداوار رانا تنویر حسین وی موجود ہن۔
