صنعت تے پیداوار ڈویژن دے ترقیاتی منصوبیاں سانگے مجموعی طور تے44 کروڑ 98 لکھ روپے توں ودھ دے فنڈز جاری

اسلام آباد ۔ 29 اپریل (اے پی پی)وزارت منصوبہ بندی تے ترقیات جاری مالی سال دے سرکاری شعبہ دے ترقیاتی پروگراماں وچ صنعت تے پیداوار ڈویژن دے ترقیاتی منصوبیاں سانگے مجموعی طور تے44 کروڑ 98 لکھ روپے توں ودھ دے فنڈز جاری کرڈتے ہن ۔ حکومت اجوکے مالی سال وچ ایں ڈویژن دے ترقیاتی کماںسانگے79 کروڑ روپے دے فنڈز مختص کیتے ہن۔ پلاننگ کمیشن دے جاری کردہ اعدادوشمار دے مطابق حکومت سیالکوٹ بزنس اتے کامرس سنٹر دے قیام سانگے 13کروڑ 37 لکھ،حیدرآباد انجینئرنگ سپورٹ سنٹر سانگے3 کروڑ 50 لکھ،کوئٹہ انڈسٹریل اسٹیٹ سانگے88 لکھ،ملتان وچ این ایف سی وچ سہولتاں دی فراہمی سانگے ہک کروڑ65 لکھ اتے پاکستان چیمز جیولری دے ترقیاتی کماں سانگے 4 کروڑ20 لکھ روپے سمیت مختلف ترقیاتی کماں سانگے فنڈز جاری کرڈتے ہن۔