نیشنل بینک دے بعد از ٹیکس منافع وچ ترئے مہینے دے دوران 23 فیصد ودھارا

اسلام آباد ۔ 29 اپریل (اے پی پی)گزریل سال دے مقابلے وچ اجوکے سال 2016ءدی پہلی سہ ماہی وچ جنوری توں مارچ دے دوران نیشنل بینک آف پاکستان دے بعد از ٹیکس نفع وچ 23 فیصد دا نمایاں ودھارتھیا ہے اتے ایں دوران بینک 4ارب روپے دا منافع کمایا ہے۔این بی پی دی رپورٹ مطابق بعد از ٹیکس منافع وچ ودھارے دے نتیجے وچ فی حصص آمدنی 1.54 روپے توں ودھ تے 1.90 روپے تائیں پج گئی۔ ڈسکاﺅنٹ ریٹ وچ گھٹکی دے باوجود بینک دا کھاتیں تے خالص نفع 12 ارب روپے تئیںودھ گیا جیرھا جو گزریل سال دے ایں عرصے دے دوران 10.6 ارب روپے ریکارڈ کیتا گیا ہائی ایویں ای اجوکے سال دے پہلے ترئے مہینے دے دوران نیٹ انٹریسٹ انکم دی شرح وچ 14فیصد ودھاراریکارڈ کیتا گیا ہے۔