وزیراعظم محمد نواز شریف دی سینیٹر میر حاصل خان بزنجو نال ملاقات اچ گالھ مہاڑ

اسلام آباد ۔ 25 اپریل (اے پی پی) وزیراعظم محمد نواز شریف آکھیا اے جو بلوچستان دی ترقی انہاں دی پہلی ترجیح ہے ،صوبے کوں پاک چین اقتصادی راہداری توں ودھ سارا فائدہ تھیسی اساڈا مقصد صوبے کوں ملک دے بقایا حصیں دے برابر گھن آونڑ ہے ۔انہاں اے گالھ سینیٹر میر حاصل خان بزنجو نال ملاقات اچ گالھ مہاڑ کریندے ہوئیں کیتی جنہاں وزیراعظم دی قیادت اچ چنگے اعتماد دا اظہار کریندے ہوئیں عدالتی کمیشن دی تشکیل دے انہاں دے فیصلے دی پوری تائید کیتی ۔وزیر اعظم ہائوس اچ سنوار کوں تھیونڑ آلی ملاقات اچ میر حاصل بزنجو بلوچستان دے عوام سانگے وڈے پیمانے تے بنیادی ڈھانچے دی ترقی اتے فلاحی سکیماں شروع کرنڑ تے وزیراعظم دی تعریف کیتی ۔وزیراعظم آکھیا جو گوادر جدید ترین پورٹ سٹی ہوسی جیں نال مقامی رہائشیاں سانگے روزگار دے موقع پیدا تھیسن ۔