مانسہرہ ۔ 28 اپریل (اے پی پی) وزیراعظم محمد نواز شریف آکھیا جو کے پی کے اچ نواں پاکستان اساں بنڑیندے پئیوں،عوام پاکستان دی ترقی دے رستے اچ حائل تھیونڑ آلیاں کوں چا کراہیں سٹ ڈیسن،سازشاں کرنڑ آلیاںنال عوام نبڑ گھنسی،اساں نعرے نئیں کم تے یقین رکھیندے ہیسے،2018ء تئیں لوڈشیڈنگ مک ویسی،بجلی اڈھائی روپے فی یونٹ سستی کریندے پیسے،ملک مسئلیاں دی دلدل اچوں نکلدا پئے اتے اقتصادی ٹیک آف سانگے تیار اے۔انہاں آکھیا جو ارہ یونیورسٹی سانگے ہک ارب دی گرانٹ،مانسہرہ، بالا کوٹ، بٹل، چھتر پلین، ناران کاغان دے علاقیاں سانگے گیس ڈیونڑ دا اعلان کرینداں۔خمیس کوں ڈھڈیال اچ عوامی کٹھ نال خطاب کریندیں ہوئیں نہاں آکھیا جو اج ڈھڈیال آ کراہیں اتنی خوشی تھیندی پئی اے اوندا اتھاں دی عوام اندازہ نی کر سگدی،عوام دے جوش تے جذبے اتے پر امید چہرے ڈیکھ کراہیں او بہوں خوش ہن ۔انہاں آکھیا جو اج میں ترقی تے خوشحالی دے سفر تے نکلیا ہاں،جلسیاں ،جلوساں دی مہم تے کائنی،اج اتھاں اللہ دے فضل و کرم نال ہک تاریخی منصوبے دا منڈھ بدھنڑ سانگے آیا ہاں ۔وزیر اعظم آکھیا جو میکوں موٹروے بنڑنڑ تے بہوں خوشی اے،برہان توں حویلیاں تئیں موٹروے تے پہلے مرحلے اچ کم شروع تھیے۔ہنڑ حویلیاں توں شنکیاری تئیں موٹرے وے شروع تھیندی پئی اے،اے موٹرے وے کہیں طور گھٹ کائنی جیڑھی جو لاہور توں پشاور تئیں ویندی پئی اے،او وی چھی لین دی اے اتے اے وی چھی لین دی اے۔انہاں آکھیا جو جتنا پیار،لاہور،کراچی،کوئٹہ پشاور نال اے ،اتنا ای ڈھڈیال اتے شنکیاری دی عوام نال اے۔انہاں آکھیا جو اساڈا ایجنڈا عوام دی خوشحالی دا ایجنڈا اے۔انہاں عوام کوں یقین ڈوایا جو 2013ء اچ 16، 16، 18، 18 گھنٹے لوڈ شیڈنگ تھیندی ہئی،اج لوڈشیڈنگ گھٹ تھی گئی اے۔انشاء اللہ اگلے سال بئی گھٹ تھی ویسی اتے 2018ء تئیں مک ویسی۔وزیر اعظم آکھیا جو کجھ عرصے پہلے اساں ہزارہ یونیورسٹی کوں 66کروڑ روپے ڈتے ہن ،اج میں 100کروڑ روپے بئے ڈیونڑ دا اعلان کرینداں۔انہاں آکھیا جو بھاشا ڈیم نہ صرف بہوں وڈا آبی ذخیرہ ہوسی اتے ایں دے نال چار ہزار میگاواٹ بجلی پیدا تھیسی۔وزیراعظم آکھیا جو ملک اچوں دہشت گردی ختم تھیندی پئی اے ،پاکستان اچ گیس وی امدی پئی اے۔انہاں آکھیا جو اساں عوام سانگے سوچیندے ہیسے اتے ملک کوں ترقی اتے خوشحالی آلے پاسے ٹریندے پیسے۔انہاں آکھیا جو سازشاں کرنڑ آلیاں نال عوام نبڑ گھنسن۔انہاں ایں موقع تے عوام کوں دعا ڈتی جو اللہ سئیں آپ دے اتے آپ دے بال بچیاں کوں خیروبرکت عطا فرماوے اتے آپ کوں اتے میکوں پاکستان دی عوام دی خدمت کرنڑ دی توفیق ڈیوے۔
