اسلام آباد ۔ 29 اپریل (اے پی پی)وزارت منصوبہ بندی تے ترقیات جاری مالی سال2015-16ءدے سرکاری شعبہ دے ترقیاتی پروگرام وچ وفاقی حکومت دے سپیشل پروگراماں دے مجموعی طور تے ہک کھرب21 کروڑ 3 لکھ روپے توں ودھ دے فنڈز جاری کرڈتے ہن ۔ حکومت جاری مالی سال وچ وفاقی حکومت دے سپیشل پروگراماں سانگے ہک کھرب73 ارب94 کروڑ 50 لکھ روپے توں ودھ دے فنڈز مختص کیتے ہن۔ پلاننگ کمیشن دے جاری کردہ اعدادوشمار دے مطابق حکومت پاکستان ہزار ترقیاتی اہداف سانگے 20 ارب، پرائمنسٹر یوتھ پروگرام سانگے13 ارب10 کروڑ،ایرا کیتے4 ارب جڈانجو عارضی طور تے بے گھر تھیونڑ آلے لوکیں دی بحالی سانگے63 ارب11 کروڑ روپے دے فنڈز جاری کرڈتے ہن۔
