نیو یارک۔ 22 اپریل (اے پی پی) وفاقی وزیر داخلہ چوہدری نثار علی خان سری لنکا دے وزیر داخلہ سگالا رتنا نائیکے کوں پاکستان دے دورے دی دعوت ڈتی ہے ۔ سری لنکن وزیر داخلہ دے دورے دا مقصدڈوہیں ملکاں وچال سانجھے تعلقات کوں مزید پکا کرنڑ ہے ۔پاکستان اتے سری لنکا دے وزیر داخلہ دی اہم ملاقات اقوام متحدہ دی جنرل اسمبلی دے خصوصی اجلاس دے موقع تے تھی ۔اے اجلاس دنیا اچ منشیات دے جرائم دے خاتمے سانگے عالمی حکمت عملی وضع کرنڑ سانگے سڈیا گئیا ہے ۔اجلاس اچ پاکستان دی نمائندگی وزیر داخلہ چوہدری نثار علی خان دی قیادت اچ ہک 7رکنی وفد کیتی ۔جیں اچ اقوام متحدہ اچ پاکستان دی خصوصی مندوب ڈاکٹر ملیحہ لودھی ‘وفاقی سیکرٹری انسداد منشیات ڈویژن اعجاز علی شاہ ‘ ڈائریکٹر جنرل انٹی نارکوٹکس فورس میجر جنرل ناصر دلاور اتے بئے شامل ہن۔اقوام متحدہ اچ پاکستانی مشن ولوں جاری بیان دے مطابق سری لنکن وزیر داخلہ چوہدری نثارعلی خان دے نال اپنڑی ملاقات دے دوران کیتا سری لنکن حکومت ولوں پاکستان سانگے نیک تمناواں دا پیغام ڈتا اتے ڈوہیں ملکاں وچال برادرانہ تعلقات دے ودھارے تے زور ڈتا ۔اقوام متحدہ دی جنرل اسمبلی دے ایں خصوصی اجلاس اچ تقریرکریندے ہوئیں وفاقی وزیر داخلہ چوہدری نثار علی خان منشیات دے خاتمے سانگے پاکستان دی حکمت عملی بارے پالیسی بیان ڈتا اتے وفد دے بئے ارکاناں عالمی وفداں توں ایندے موضوع تے اہم ملاقاتاں کیتیاں ۔
