اسلام آباد ۔ 29 اپریل (اے پی پی) وزارت منصوبہ بندی تے ترقیات جاری مالی سال دے سرکاری شعبہ دے ترقیاتی پروگرام وچ پورٹس اینڈ شپنگ ڈویژن دے ترقیاتی کماں سانگے مجموعی طور تے 40 کروڑ68 لکھ روپے توں ودھ دے فنڈز جاری کرڈتے ہن۔حکومت اجوکے مالی سال وچ ایں ڈویژن دے ترقیاتی کماں سانگے9 ارب روپے دے فنڈز مختص کیتے ہن۔ پلاننگ کمیشن دے جاری کردہ اعدادوشمار دے مطابق حکومت ملابینڈایریا وچ پورٹ دے ترقیاتی کماں سانگے 30کروڑ ،کراچی وچ فش ہیچری کمپلیکس سانگے39 لکھ،چین پاکستان اقتصادی راہداری منصوبہ کوں ملاونڑ آلی سڑک ایسٹ بے ایکسپریس وے دی تعمیر سانگے5 کروڑ اتے پورٹ قاسم وچ ترقیاتی کماں سانگے 5 کروڑ روپے دے فنڈز جاری کرڈتے ہن۔
