وزیراعظم محمد نواز شریف ارباںروپے دے ترقیاتی منصوباں دے افتتاح، قومی صحت پروگرام دے آغاز سانگے کوئٹہ روانہ تھی گئے

اسلام آباد ۔ 2 مئی (اے پی پی) وزیراعظم محمد نواز شریف ارباں روپے دی لاگت دے ترقیاتی منصوباں دے افتتاح اتے قومی صحت پروگرام دے آغاز سانگے سونوار کوں کوئٹہ سانگے روانہ تھی گئے۔وزیراعظم صوبائی دارالحکومت دے دورے دے دوران مستونگ ،قلات اتے ملحقہ علاقیاں کوں گیس دی فراہمی دے منصوبے دا افتتاح کریسن،بئے منصوبہ جات وچ ضلع قلعہ سیف اللہ وچ عنایت اللہ کاریز گلستان کوں گیس دی فراہمی، بروری روڈ گولی مار چوک تے انڈر پاس دی تعمیر ،کوئٹہ وچ زرغون روڈ تے ہک بئے انڈر پاس دی تعمیر اتے لورالائی ،ڈی جی خان بجلی ٹرانسمیشن شامل ہن۔وزیراعظم ہاﺅس دے بیان دے مطابق انہاں منصوبیاں دا مقصد صوبے وچ توانائی دی گھٹکی دور کرنڑ دے مطالبے کوں پورا کرنڑ ہے ۔ انہاں منصوبیاں نال صوبے وچ روزگار دے مواقع وی پیدا تھیسن۔