وزیراعظم محمد نواز شریف دا کراچی لاہور موٹروے دے ملتان سکھر سیکشن دامنڈھ بدھنڑ دے بعد عوامی کٹھ نال خطاب

سکھر۔ 6 مئی (اے پی پی) وزیراعظم محمد نواز شریف آکھیا اے جو اساڈا ایجنڈا پاکستان دی ترقی تے خوشحالی ہے جڈاں جو ڈوجھے پاسے دہشت گرداں اتے سڑکاں تے چوراہیں دی احتجاجی سیاست دے ذریعے پاکستان دی ترقی دا رستہ روکنڑ آلیں دے ایجنڈے کوں مسترد کریندی ہے ،قوم چاہندی ہے جو پاکستان اندھارے ‘بے روزگاری ‘جہالت اتے غربت ختم تھیوے، اساںپاکستان کوں ہوس پاسے گھن تے ونجنڑ چاہندوں ۔۔انہاں اے گالھ مہاڑ جمعے کوں اتھاں کراچی لاہور موٹروے دے ملتان سکھر سیکشن دے منڈھ بدھنڑ دے بعد ہک وڈے عوامی کٹھ توں خطاب کریندے ہوئیں کیتی جیرھا جو 294ارب روپے دی لاگت نال پاک چین اقتصادی راہداری منصوبے دے تحت تعمیر کیتا ویندا پے۔ وزیراعلیٰ سندھ سید قائم علی شاہ، وزیر مملکت عبدالحکیم بلوچ، مسلم لیگ (ن) سندھ دے صدر محمد اسماعیل راہو، سینیٹر نہال ہاشمی اتے بئے اعلیٰ حکام وی موجود ہن۔