لاہور۔14 مئی(اے پی پی )صوبائی وزیر تعلیم رانا مشہود احمد خاں آکھے جو آندے مالی سال اچ سکول کونسلز کیتے 14 ارب روپے دی ودھ ساری رقم رکھی ویندی پئی ہے ۔ چنگی کارکردگی آلیاں سکول کونسلز آپنڑیں تعلیمی اداریاں دی ترقی کیتے 60 ہزار توں 24 لکھ تئیں دی ودھ ساری رقوم حاصل کرسگسن۔ اے گالہیں انہاں ہک تقریب اچ خطاب کریندے ہوئیں آکھیاں۔ رانا مشہود احمد خان آپنڑیں خطاب اچ آکھیا جو مہذب معاشریاں اچ حکومت ،اپوزیشن اتے معاشرہ فروغ تعلیم بارے ہمیشہ ہک کجھ ہوندے ۔ اساڈی حکومت ایں سال دے دوران بجٹ دا 27 فیصد حصہ تعلیم کیتے رکھ تے جتھاں آپنڑیں تعلیم دوستی دا ثبوت ڈتے اتھاں آندے مالی سال کیتے اے رقم بجٹ دے 30 فیصدحصے تئیں ودھئی ویندی پئی ہے ۔
