اسلام آباد ۔ 7 مئی (اے پی پی) محکمہ موسمیات آندے 24 گھنٹیاں اچ ملک دے بہوں سارے علاقیاں اچ موسم دے رُکھے اتے گرم جڈانجو میدانی علاقیاں اچ ودھ گرمی دی پیش گوئی کیتی ہے۔ رپورٹ دے مطابق آندے ترائے توں چاری ڈینھ اچ ملک دے بہوں سارے علاقیاں اچ موسم گرم اتے رُکھا راہسی جڈانجو ملک دے میدانی علاقیاں اچ ڈینھ دے درجہ حرارت اچ بئے ودھارے دا مکان ہے ۔ محکمہ موسمیات آکھے جو کاشتکار خشک موسم دا فیدہ چیندے ہوئیں کنڑک دی کٹائی اتے گہائی دا کم تکھے توں تکھے پورا کرن ۔ رپورٹ دے مطابق گزریل 24 گھنٹیاں اچ ملک دے بہوں سارے علاقیاں اچ موسم گرم تے رُکھا ریہا اتے گزریل دینھ سبی، لاڑکانہ، نوکنڈی اتے شہید بینظیر آباد اچ ساریاں توں ودھ گرمی پئی جتھاں درجہ حرارت 43 ڈگری سینٹی گریڈ، کوٹ ادو، مٹھی، سکھر، موہنجوداڑو، جیکب آباد اتے رحیم یار خان اچ 42، تربت،میرپورخاص، روہڑی، خانپور، بھکر، نور پورتھل، چھور، دالبندین اتے ڈی آئی خان اچ 41 ڈگری سینٹی گریڈ ریکارڈ کیتا گیا۔
