اسلام آباد ۔ 18 مئی (اے پی پی) محکمہ موسمیات دے مطابق اجوکے ہفتے دے دوران اسلام آباد،راولپنڈی، گوجرانوالہ ڈویژن، اتے خیبر پختونخوا دے میدانی علاقیاں ،سکھر، لاڑکانہ، میرپور خاص، شہید بینظیر آباد، سبی اتے مکران ڈویژن اچ موسم ودھ گرم اتے رکھا رہنڑ دا امکان ہے۔ محکمہ موسمیات دے مطابق گزریل 24 گھنٹے دے دوران ملک دے بہوں علاقیاں اچ موسم خشک رہیاساریں توں ودھ گرم لاڑکانہ تے ہئی ۔جتھاں درجہ حرارت 51ڈگری سینٹی گریڈ ریکارڈ کیتا گیا ۔آندے 24گھنٹے دے دوران ملک دے بہوں سارے علاقیں سکھر، لاڑکانہ، میرپور خاص، شہید بینظیر آباد، سبی اتے مکران ڈویژن اچ موسم ودھ گرم اتے خشک رہنڑ دا مکان ہے۔میدانی پنجاب، سندھ ، خیبر پختونخوا شدید گرمی دی وکیڑ اچ رہسنجتھاں درجہ حرارت 45ڈگری سینٹی گریڈ جڈاں جو وسطی پنجاب اتے سندھ اچ درجہ حرارت 51ڈگری سینٹی گریڈتئیں پج ونجنڑ دا امکان ہے ۔محکمہ موسمیات دے مطابق اجوکے ہفتے گلگت بلتستان اتے کشمیر دے پہاڑی علاقیاں اچ وی درجہ حرارت اوسطً 4 توں 5 ڈگری سینٹی گریڈ زیادہ رہنڑدا امکان ہے۔جیںپاروں برف اتے گلیشرزتکھے پگھل ونجنڑ دا امکان ہے اتے سمندری ہواواں دے تسلسل دی وجہ توں پاکستان دے ساحلی علاقیاں اچ درجہ حرارت اچ تکھی ہوا نال ودھارا کائناں تھیسی ۔کراچی اچ ڈینھ دے درجہ حرارت (معمول دے مطابق) 40 ڈگری سینٹی گریڈ توں گھٹ رہسی سمند ر توں مسلسل ہوائیں متغیر رفتار نال چلدیاں رہسن ۔
