اسلامی بینکاری دے فروغ سانگے شعبہ تعلیم کوںمعیاری کتاباں دی دستیابی دی صورت وچ اپنڑا کردار ادا کرنڑ پوسی،ہمایوں ڈار

اسلام آباد ۔ 3 مئی (اے پی پی) اسلامی بینکاری دے فروغ اتے بینکنگ دے شعبے وچ سودی نظام کوں مکاونڑ سانگے معیاری کتاباں دی فراہمی وچ ودھارے دی ضرورت ہے۔ مختلف اداریاں ولوں اسلامک بینکنگ دے فروغ سانگے سینٹرز آف ایکسی لینس قائم کیتے گئے ہن جیرھے انڈسٹری تے مثبت اثرات مرتب کریندے پن، تاہم شعبے دے فروغ سانگے معیاری کتاباں دی دستیابی کیتے شعبہ تعلیم کوں اپنڑ ا کردار ادا کرنڑ پوسی ۔ اسلامی بینکاری دے شعبے دے ماہر ہمایوں ڈار اپنڑے ہک بیان وچ آکھیاجو انسٹی ٹیوٹ آف بزنس ایڈمنسٹریشن کراچی ‘ لاہور یونیورسٹی آف مینجمنٹ سائنسز اتے انسٹی ٹیوٹ آف مینجمنٹ سائنسز پشاورنے سینٹرز آف ایکسی لینس ان اسلامک فنانس شروع کیتا ہے جڈانجو ملک کوں بئیاں یونیورسٹیاں وچ وی اسلامی بینکاری دی تعلیم تے تربیت فراہم کیتی ویندی پئی ہے اتے انسٹی ٹیوٹ آف اسلامک اکنامکس جامعہ اسلامیہ اسلام آباد وی شعبے دی ترقی سانگے اہم کردار ادا کیتا ہے انہاں آکھیا جو اسلامی بینکاری دے شعبے دی ترقی اتے افرادی قوت دی چنگی تعلیم تے تربیت سانگے معیاری کتاباں دی دستیابی وقت دی اہم ضرورت ہے اتے تعلیمی اداریاں سمیت شعبے دے ماہرین کوں چاہیدے جو ا وہ ایںحوالے نال اپنڑا کردار ادا کرین تاں جو اسلامی بینکاری سانگے تعلیم تے تربیت کوں شعبے دی ضرورتاں دے مطابق بنڑایا ونج جاسگے جیندے نال اسلامک فنانس دے شعبے دی ترقی وچ ہور زیادہ ترقی تھیسی۔