اسلام آباد ۔ 25 مئی (اے پی پی) اسلام آباد،راولپنڈی ،کوئٹہ،سکھر، حیدر آباد، میرپور خاص، گلگت بلتستان اتے کشمیر وچ کڈاہیں کڈاہیں تریکھی ہواواں اتے کھمبدے نالمینھ وسنڑ داامکان ہے۔محکمہ موسمیات دے مطابق گزریل 24گھنٹیاں دے دوران ملک دے بیشتر میدانی علاقیاں وچ موسم شدید گرم اتے خشک رہیا جڈانجو اسلام آباد،راولپنڈی اتے بالائی علاقیاں وچ تریکھی ہواواں اتے کھمب دے نال مینھ وی وسیا۔سبھ توں ودھ بارش مری وچ 81ملی میٹر ریکارڈکیتی گئی جڈانجو ملک دے بئے علاقیاں وچ مو سم گرم اتے خشک رہیا۔آوندے 24گھنٹیاںدے دوران اسلام آباد،راولپنڈی سمیت کوئٹہ،سکھر، حیدر آباد، میرپور خاص، گلگت بلتستان اتے کشمیر وچ کڈاہیں کڈاہیں تریکھی ہواواں اتے گرج چمک دے نال مینھ دا امکان ہے جڈانجو ودھ سارے میدانی علاقیاں وچ موسم گرم اتے خشک رہونڑ داامکان ہے ۔محکمہ موسمیات دے مطابق اگلے ترئے ڈینھاں دے دوران ملک دے بیشتر میدانی علاقیاں وچ موسم شدید گرم اتے خشک رہونڑ دا امکان ہے۔
