اسلام آباد ۔ 16 مئی (اے پی پی) اسلام آباد فٹ بال ایسوسی ایشن دے زیراہتمام اسلام آباد انڈر16- فٹ بال ٹیم دی چنڑیج سانگے فائنل ٹرائلز (اج) منگل کوں شام چار وجے کراچی کمپنی گراﺅنڈ اچ تھیسن۔ اسلام آباد فٹ بال ایسوسی ایشن دے سیکرٹری سید شرافت حسین بخاری ڈسایا جو منتخب ٹیم بین الصوبائی انڈر16- بوائز فٹ بال چیمپئن شپ اچ شرکت کریسی۔ چیمپئن شپ 27 مئی توں گلگت اچ کھیڈی ویسی جیں اچ پورے ملک توں 8ٹیماں شرکت کریسن جیں اچ پنجاب، خیبرپختونخوا، سندھ، بلوچستان، اسلام آباد، فاٹا، آزاد جموں تے کشمیر اتے گلگت بلتستان شامل ہن۔
