کابل ۔ 11 مئی (اے پی پی) افغانستان اچ داعش دے ریڈیو اپنڑی نشریات ولا شروع کر ڈتیاں ۔ وائس آف امریکا دے مطابق اِیں ایف ایم ریڈیو اسٹیشن خلافت دی آواز گذریل سال نشریات شروع کیتیاں ہن جیرھی جو مقامی لوکاں اچ دہشت دا سبب بنڑدیاں پیاں ہن جیں نال داعش دا پروپیگنڈا پیش کیتا ویندا ہا۔فروری اچ، افغان حکام ڈسایا ہا جو امریکا دی مدد نال فضائی کارروائیاں کیتیاں گیاں جیں دے نتیجے اچ داعش دا ٹرانسمٹر تباہ کیتا گیا ہا ، نال ہی انٹرنیٹ دے وسائل تے بیاں تنصیبات تباہ کر ڈتیاں گیاں۔ننگرہار دے اچین ضلعے دے گورنر، حاجی غالب مجاہد ایں گالھ دی تصدیق کیتی جو داعش دی نشریات روزانہ ہک گھنٹہ سویرے تے ہک گھنٹہ شام جاری رہندیاں ہن ۔اے واضح کائنی جو افغان حکومت ایں حوالے نال کیا کاروائی کریسی ۔
