اسلام آباد ۔ 23 مئی (اے پی پی) وزیراعظم دے معاون خصوصی برائے امورخارجہ طارق فاطمی آکھیا جو اقتصادی راہداری دی شکل اچ وزیر اعظم نواز شریف اتے انہاں دے چینی ہم منصب دا وژن اج عملی طور قوم دے سامنڑے اے،تریخ اچ چین دی ترقی دی مثال نی ملدی،کہیں ملک دی ترقی دی اتنی اعلیٰ رفتار اتنے عرصے تئیں برقرار کائنی رہی۔اے گالھ انہاں سونوار کوں پلاننگ کمیشن اچ پاک چین سفارتی تعلقات دی 65ویں سالگرہ دی تقریب نال خطاب کریندیں ہوئیں آکھی۔انہاں آکھیا جو پاک چین اقتصادی راہداری نی بلکہ ڈو وزارئے اعظم دا وژن اے،ایں منصوبے نال خطے اچ استحکام اتے روزگار ملسی۔ایں منصوبے دے رستے اچ بہوں چیلنجز ہن ۔انہاں آکھیا جو ڈوہیں ملک خطے دی عوام دی تقدیر بدلنڑ سانگے پر عزم ہن ۔
