اسلام آباد ۔ 25 مئی (اے پی پی) وفاقی وزیر منصوبہ بندی ترقی تے اصلاحات پروفیسر احسن اقبال آکھیا جو اقتصادی راہداری نال بلوچستان دے گھٹ ترقی یافتہ اتے پسماندہ علاقیاں کوں ترقی دے موقع ملسن،ژوب،تربت اتے گوادر اچ یونیورسٹی دی سطح تے تعلیم دے موقع آونڑ نال بلوچستان دے نینگراں سانگے اعلیٰ تعلیم دا رجحان ودھسی۔اے گالھ انہاں بدھ کوں پلاننگ کمیشن اچ بلوچستان دے گورنر محمد خان اچکزئی نال ملاقات اچ گالھ مہاڑ کریندیں ہوئیں آکھی۔ملاقات اچ بلوچستان دی عوام دی ترقی اتے انفراسٹرکچر دے منصوبیاں بارے گالھ مہاڑ کیتی گئی۔
