اسلام آباد ۔ 9 مئی (اے پی پی) امریکا وچ پاکستان دے سفیر جلیل عباس جیلانی امریکا وچ رہنڑ آلے پاکستانی ڈاکٹراں کوں آکھیااے جوا وہ مادر وطن دی ترقی وچ اپنڑاں کردار ادا کرن اتے امریکا وچ رہونڑ آلے پاکستانی ڈاکٹراں دی تنظیم اپنا دے کنونشن نال خطاب وچ انہاں آکھیا جو امریکا وچ مقیم پاکستانی نژاد ڈاکٹر ز پاک امریکا تعلقات کو ں چنگاںبنڑاونڑ وچ وی کردار ادا کرن۔ انہاں تقریب توں پاکستان دی حکومت ولوں سمندر پار پاکستانیاں دی فلاح تے بہبود سانگے اقدامات بارے وی ڈسایا۔ انہاں آکھیا جو نوجوان خاص طور تے اتھاں سماجی ، اقتصادی اتے سیاسی سرگرمیاں وچ مؤثر شمولیت اختیار کرن۔ امریکا وچ پاکستانی سفارت خانہ ایں سلسلے وچ انہاں دے نال بھرپور تعاون کریسی۔ انہاں اعلان کریندیاں آکھیا جوامریکا وچ مقیم پاکستانیاں دی تنظیم سی پی اے سی دے تریجھے سالانہ کنونشن دی میزبانی پاکستانی سفارتخانہ کریسی۔ نیویارک ، شکاگو ، لاس اینجلس اتے پیوٹن وچ وی ایجھیاں تقریباںداانعقاد کیتاویسی۔بعد اچ ٹائون ہال وچ ہک بئی تقریب نال خطاب کریندے ہوئیں پاکستانی سفیر آکھیا جو دہشت گرداں دے خلاف مؤثر کاروائیاں دے نتیجے وچ پاکستان وچ سکیورٹی صورتحا ل وچ چنگائی آئی جڈانجو چین پاکستان اقتصادی راہداری منصوبے نال اقتصادی صورتحال وچ چنگائی امدی پئی ہے ۔ تقریب نال اپناتنظیم دے صدر ناصر قریشی وی خطاب کیتا۔
