اسلام آباد ۔ 9 مئی (اے پی پی) وفاقی وزیر اطلاعات و نشریات تے قومی ورثہ سینیٹر پرویز رشید آکھیا اے جو انسانی تہذیب دی ترقی اچ پاکستان دے کردار دا پوری دنیا اچ ااعتراف کیتا گئیا ۔ انہاں اے گالھ سنوار کوں وزارت خارجہ اچ قدیم پاکستان دے عنوان توں ترائے ڈینہاں دی نمائش دے موقع تے کیتی ۔وزیر اطلاعات پر ویز رشید آکھیا جو پاکستان دی اپنڑی ہک تاریخی حیثیت ہے ،پوری دنیا اچ انسانی تہذیب دی ترقی سانگے قدم پاکستان دا دا کردار واضح ہے۔انہاں آکھیا جو قدیم پاکستان دی تقریبات دا انعقاد اساڈی وزارت خارجہ دا اے قدم قابل ستائش ہے ۔ایجھے اقدامات نال پاکستان دا مثبت تشخص اجاگر کرنڑ اچ مدد ملسی ۔ انہاں ایں یقین دا اظہار کیتا جو وزارت خارجہ پاکستان دے چنگے تشخص دے حوالے نال اپنڑیاں کاوشاں جاری رکھیسی ۔
