اسلام آباد ۔ 17 مئی (اے پی پی) اٹلی دے سفیر سٹیفانو پونٹی کاروو ‘ منگل کوںاتھاں وفاقی وزیر برائے سائنس و ٹیکنالوجی اتے دفاعی پیداوار رانا تنویر حسین نال ملاقات کیتی۔انہاں آپسی دلچسپی بارے معاملے خصوصی طور اجوکے سیاسی اتے صنعتی تعاون اچ ودھارے گارے گالھ مہاڑ کیتی۔اٹلی دے سفیر وفاقی وزیر اتے انہاں دی ٹیم کوں اٹلی دے دورہ دی دعوت ڈیندیں ہوئیں آکھیا جو او مختلف صنعتاں دی کارکردگی دا جائزہ گھنن جیڑھے جو مختلف شعبیاں اچ سانجھے منصوبے شروع کرنڑ دی خواہش رکھیندن ۔وفاقی وزیر دعوت قبول کریندیں ہوئیں آکھیا جو اٹلی یورپی منڈی سانگے ہک گیٹ وے اے اتے اساڈی حکومت دا ہک انتہائی سٹریٹجک پارٹنر اے ۔
