ایس ایم ایز توانائی بچاونڑ تے کیتی گئی سرمایہ کاری چار مہینے اچ ریکور کر گھدی

اسلام آباد ۔ 4 مئی (اے پی پی) ملک دے100 توں ودھ چھوٹے اتے درمیانے درجے دے کاروباری ادارے(ایس ایم ایز) توانائی دی بچت کریندے پئے ہن جنہاں وچ کراچی ‘ لاہور ‘ فیصل آباد اتے سیالکوٹ دے ایس ایم ایز شامل ہن جڈانجو توانائی بچاونڑ تے کیتی گئی سرمایہ کاری صرف چار مہیناں دے تھوڑے عرصے وچ ریکور کر گھدی گئی ہے۔ جرمنی دی وفاقی وزارت برائے اقتصادی تعاون تے ترقی ( بی ایم زیڈ) دی معاونت نال جی ایم بی ایچ دے زیر انتظام پاکستان وچ ایس ایم ایز دے شعبے وچ توانائی دی بچت دا پروگرام شروع کیتاگیا ہائی جیرھا اٹھ سال دے عرصے دے دوران کامیابی نال پایہ تکمیل کوں پجیا ہے۔ توانائی دی بچت دے حوالے نال انٹرنیشنل ڈویلپمنٹ پراجیکٹ دے کوآرڈینیٹر برائے پنجاب سلمان بٹ ایں حوالے نال آکھیا جو پروگرام دے دوران منتخب اداریاں دے انرجی آڈٹ دے تحت توانائی دی بچت سانگے اقدامات دا تعین کیتا گیا ہا جڈانجو انہاں اداریاں دی انتظامیہ کو ںجرمنی اتے برازیل دے دورے وی کروائے گئے تاں جوا وہ خود صورتحال دا جائزہ گھن سگن انہاں آکھیا جو پروگرام دے دوران ایس ایم ایز دے مالکاں کوں ایں قابل بنڑایا گیا جو اوہ اپنڑے منیجراں اتے ملازماں کوں توانائی بچاونڑ سانگے راہنمائی فراہم کرسگن تاں جو مستقبل وچ توانائی دی بچت وچ ہور ودھارے کوں یقینی بنڑایا ونج جا سگے۔ منصوبے دے تحت ایس ایم ایز دے شعبہ وچ بہوں گھٹ سرمایہ کاری نال توانائی دی بچت دے اقدامات کیتے گئے اتے ایں ویلھے پورے ملک وچ ہک سو توں ودھ ایس ایم ایز سالانہ پندرہ کروڑ 50 لکھ روپے توں ودھ دی بچت کریندے پن جڈانجو انہاں اداریاں ایں مقصد سانگے کیتی گئی سرمایہ کاری صرف چار مہیناں دے تھوڑے جئے عرصے وچ ریکور وی کرگھدی ہے۔ منصوبے دا بنیادی مقصد پاکستان وچ صنعتی اداریاں کوں گھٹ سرمائے نال توانائی دے اخراجات وچ بچت دے قابل بنڑاونڑ ہا ۔