راولپنڈی ۔ 26 مئی (اے پی پی) بری فوج دے سربراہ جنرل راحیل شریف آپنڑیں دورہ کوئٹہ دے دوران کمانڈ اینڈ سٹاف کالج کوئٹہ دے شرکاء نال خطاب دے دوران بین الاقوامی اتے علاقائی سلامتی دی صورتحال دی وضاحت کریندے ہوئیں دہشت گردی اتے انتہاء پسندی کوں مکاونڑ کیتے پاکستان دے عزم کوں دہرایا۔ آئی ایس پی آر ولوں جاری بیان دے مطابق انہاں آکھیاجو دنیا دی کئی فوج ایں طرح مربوط کارروائی دی اہل کائنی جیہڑی طرح پاک فوج کلہی مقابلہ کریندی پئی ہے ، میں ایں شاندار فوج دی کمانڈ تے فخر کرنڑ اچ حق رکھینداں ۔ آپریشن ضرب عضب دے نتیجے داا ذکر کریندے ہوئیں انہاں واضح کیتا جوا ساں کیڈی اوکھی کارروائی کوں انٹیلی جنس دی بنیاد تے آپریشن اچ تبدیل کیتے اتے ہنڑ تلاشی آپریشنز کر یندے پئے ہئیں ۔ پاکستان اچ امن اتے استحکام کیتے آپریشنز دے مکنڑ بارے آپنڑیں وژن تے روشنی پیندے ہوئیں انہاں ایں عزم دا اظہار کیتا جواساکوں پر امن اتے خوشحال پاکستان دے آپنڑیں مقصد دے حصول کیتے حالی وی بہوں کجھ کرنڑاں ہے ۔
