بھارت دے مقابلے وچ پاکستان اچ ریٹیل مارکیٹ دا شعبہ بنیادی ڈھانچے دی ترقی دے حوالے نال 50 سال اگی تے ہے ،شعبے دا حجم 152 ارب ڈالر سالانہ تائیں ودھ گئے،پنجاب وچ ریٹیل دا شعبہ بہوں ترقی کریندا پئے، بین الاقوامی ادارے ”پلینٹ ریٹیل“ دی رپورٹ

اسلام آباد ۔ 2 مئی (اے پی پی) متوسط طبقے دی آمدنی نال پاکستان وچ ریٹیل دے شعبے دا سالانہ حجم 152 ارب ڈالر تائیں ودھ گئے۔ جڈانجو بھارت دے مقابلے وچ پاکستان اچ ریٹیل مارکیٹ دا شعبہ بنیادی ڈھانچے دی ترقی دے حوالے نال 50 سال اگوتے ہے۔ ریٹیل مارکیٹ دی پیش گوئی کرنڑ آلے بین الاقوامی ادارے ”پلینٹ ریٹیل“ دی حالیہ رپورٹ وچ آکھیا گئے جو پاکستان وچ صوبہ پنجاب اچ ریٹیل دا شعبہ تیزی نال ترقی کریندا پئے اتے ملک دے بئے صوبیاں دے مقابلے وچ پنجاب اچ شعبے دی ترقی دی وجہ بنیادی ڈھانچے ‘ ٹرانسپورٹ اتے بئیاں سہولتاں دی فراہمی دے معیار دی چنگائی دے نال نال متوسط طبقے دی ودھدی ہوئی تعداد اتے آمدن وی شعبے دی ترقی وچ اہم کردار ادا کریندی پئی ہے۔ رپورٹ دے مطابق ترئے سال پہلے ملک وچ ایجھی خریداری دیاں سہولتاں دی تعداد گھٹ ہائی پرترئے سال دے دوران ملک دے سارے وڈے شہراں وچ ہکو چھت دے تلے صارفین کوں خریداری دی سہولت فراہم کرنڑ دے رجحان وچ بہوں اضافہ تھیا جیندے نال شاپنگ اتے ریٹیلز دے کاروبار کوں وسعت ملی ہے اتے ایں ویلھے ریٹیل مارکیٹ داسالانہ حجم 152 ارب ڈالر تائیںودھ گئے۔ ایل ایکس وائی گلوبل دے چیف ایگزیکٹو یوسف جمشیدآکھیا جو دنیا دے ترقی یافتہ ملکاں دے مقابلے وچ پاکستان اچ شعبہ دی ہور زیادہ ترقی دے وسیع امکانات موجود ہن۔انہاں آکھیا جو صوبے وچ جنوبی پنجاب دے مقابلہ اچ شمالی اتے وسطی پنجاب وچ فلیش ملبوسات دا کاروبار 70فیصد ودھ ہے۔ ریٹیل دے شعبہ دے برطانوی ماہر کم کولے اپنڑی تجزیاتی رپورٹ وچ آکھیا جوبھارت دے مقابلہ وچ پاکستان اچ ریٹیل مارکیٹ دا شعبہ 50سال اگو ہے ایندی بنیادی وجہ انفراسٹرکچر دی ترقی ہے جیہڑی بھارت دے مقابلے وچ پاکستان وچ کڈاہیںزیادہ ہے۔