تاپی گیس پائپ لائن منصوبہ 2018اچ پورا تھیسی،سالانہ 33 ارب مکعب میٹر گیس حاصل تھیسی ، وزارت پٹرولیم تے قدرتی وسائل

اسلام آباد۔ 6 مئی (اے پی پی) ترکمانستان توں گیس دی در آمد داتاپی گیس پائپ لائن منصوبہ 2018اچ پورا تھی ویسی۔ 10 ارب ڈالر لاگت دے توانائی دے ایں بین العلاقائی منصوبے کو ںمقررہ مدت اچ مکمل پورا کرنڑ سانگے بین الحکومتی فریم ورک تے عمل کیتا ویسی۔ وزارت پٹرولیم تے قدرتی وسائل دے ذرائع دے مطابق منصوبے دے تحت 1735 کلو میٹر طویل گیس پائپ لائن وچائی ویسی اتے ایندے سالانہ 33 ارب مکعب میٹر گیس ترکمانستان توں گھدی ویسی۔ گیس ترکمانستان دی گیس فیلڈ گال کینش توں گھدی ویسی ۔ ترکمانستان دی سرکاری کمپنی ترکمن گاز منصوبے تے کم کرنڑ آلے کنسورشیم دی قیادت کریسی۔ ترکمن گاز دے ایںکنسورشیم اچ 51 فیصد حصص ہن۔ کنسورشیم اچ شامل بئیاں کمپنیاں اچ افغان گیس انٹرپرائز، پاکستان دی انٹر سٹیٹ گیس سسٹم اتے بھارت دی نیچرل گیس پراسیسنگ تے ڈسٹری بیوشن کمپنی گیل شامل ہن۔