اسلام آباد ۔ 25 مئی (اے پی پی)سٹیٹ بینک آف پاکستان دے اعدادوشماردے مطابق جاری مالی سال وچ 01 جولائی2015ء توں13مئی 2016ء تائیں نجی شعبے کوں جاری کیتے گئے قرضاں دی شرح وچ گزریل مالی سال دے مقابلے وچ75فیصد دا ودھار تھیا ہے۔ رپورٹ دے مطابق جاری مالی سال وچ13مئی 2016ء تائیں مختلف بینکاں اتے مالیاتی اداریاں ولوں نجی شعبے کوں294.48 ارب روپے دے قرضے جاری کیتے گئے ہن جڈانجو گزریل مالی سال دے ایں عرصے دے دوران بینکاں اتے مالیاتی اداریاں نجی شعبے کوں168.4 ارب روپے دے قرضے جاری کیتے ہن ۔ ایں طرح گزریل مالی سال دے مقابلے وچ جاری مالی سال دے دوران نجی شعبے کوں جاری کیتے گئے قرضاں دی شرح وچ75فیصد دا نمایاں ودھارا ریکارڈ کیتا گیا ہے جیندے نال ملک وچ صنعتی تے تجارتی سرگرمیاں دے ودھارے دی عکاسی تھیندی ہے۔
