جرمنی کوں وی توانائی دے مسلیں دا سامنڑاں رہیا ہے ،بجلی دے مسئلے نال نبڑنڑ سانگے پاکستان دی ہر ممکن معاونت کریسوں ،جرمن سفیر

اسلام آباد ۔ 26 مئی (اے پی پی) پاکستان اچ جرمنی دی سفیر انالیپل آکھیا ہے جو پاکستان وانگوں جرمنی کوں وی توانائی دا سامنڑاں رہیا ہے ،قابل تجدید توانائی نال پیداوار دا حصول ایں مسئلے دا وختی حل ہے اتے ہوا نال بجلی کرنڑ دے منصوبیں تے توجہ ڈیونڑ دی ضرورت ہے ۔جرمنی بجلی دے مسئلے نال نبڑنڑ سانگے پاکستان نال ہر ممکن تعاون کریسی ،انہاں ان خیالاں دا اظہار خمیس کوں اتھاں بجلی دی پیداوار توں متعلق 8ویں سالانہ کانفرنس توں خطاب کریندے ہوئیں کیتا ۔انہاں آکھیا جو پاکستان اچ بجلی دی پیداوار ودھاونڑ اتے ضیان اچ گھٹکی گھن آونڑ سانگے کوششاں کیتیاں ویندیاں پیاں ہن او بہوں فائد ہ مند ہن ،قائد اعظم سولر پارک جیہوجے منصوبے دا آغاز خوش آئندہ ہے ۔انہاں آکھیا جو جرمن کمپنیاں توانائی دے شعبے اچ کم کریندیاں پیاں ہن ،توانائی دے مسئلے نال نبڑنڑ سانگے جرمنی پاکستان دے نال تعاون جاری رکھیسی ۔