اسلام آباد ۔ 6 مئی (اے پی پی) جنوبی افریقہ اچ پاکستان دے ہائی کمشنر نجم الثاقب افریقی ملک بوٹسوانہ دادورہ کیتا اتے ڈائریکٹر جنرل ایشیاءپیسیفک دیابی ممالیفے نال ملاقات کیتی۔ جمعے کوں جنوبی افریقہ توں موصولہ پیغام دے مطابق ہائی کمشنر نجم الثاقب بوٹسوانہ داترائے ڈینھ دا دورہ کیتا جیں دے دوران ڈوہیں ملکاں وچال تعلقات دا جائزہ گھدا گئیا ۔جنوبی افریقہ اچ پاکستان دے ہائی کمشنر ڈے بوٹسوانہ ، سوازی لینڈ ،موزمبیق، لیسوتھو اتے نمیبیا دیاں ذمے واریاں وی ہن۔ نجم الثاقب اتے بوٹسوانہ دی وزارت خارجہ دے ڈائریکٹر جنرل ایشیاءپیسیفک دیابی ممالیفے دی ملاقات اچ ڈوہیں ملکاں وچال سارے شعبیں اچ ڈوطرفہ تعلقات پکے کرنڑ دی ضرورت تے زور ڈتا ۔ایں ضمن اچ ڈوہیں ملکاں دیاں حکومتاں وچال ڈو طرفہ سیاسی مشورے سانگے مفاہمت دی یاداشت تے دستخط سانگے تھیونڑ آلی پیشرفت دا وی جائزہ گھدا گئیا ۔ پاکستانی ہائی کمشنر بوٹسوانہ کوں پاکستان فارن سروس اکیڈمی اچ افسراں کوں تربیت دی فراہمی دی پیش کیتی جیرھی جو انہاں قبول کر گھدی ۔نجم الثاقب بوٹسوانہ اچ پاکستانی کمیونٹی نال وی ملاقات کیتی اتے مشین ریڈ ایبل پاسپورٹس دے اجراءجیہوجے مسلے سنڑیے ایں موقع تے قونصل خانہ دی ٹیم پاکستانیاںدے کجھ مسئلے موقع تے ہی حل کیتے۔
