اسلام آباد ۔ 24 مئی (اے پی پی) مشیر خارجہ سرتاج عزیز آکھیا جو جنوبی ایشیاء اچ پائیدار امن تے استحکام سانگے چینی قیادت بہوں ضروری اے،پاکستانی عوام چین کوں ہک سچا اتے با اعتماد دوست منیندی اے،ڈوہیں ملک اینویں نیڑے جڑین جو چینی سکیورٹی کوں زک پجاونڑ دے کہیں وی اقدام نال ساکوں درد محسوس تھیندے،اساڈی یکجہتی چٹان آلی کار مستحکم اتے پکی اے،پاکستان یکا ون چائنا پالیسی دی حمایت کیتی اے،دہشت گردی دی لعنت عالمی سکیورٹی اتے امن سانگے ساریاں توں وڈا چیلنج اے،چین دہشت گردی دے خلاف جنگ اچ پاکستان دی قربانیاں منیندے۔اے گالھیں انہاں منگل کوں اتھاں نسٹ دے اہتمام نال بیجنگ فورم2016نال خطاب کریندیں ہویں آکھی۔انہاں آکھیا جو 65سال پہلے سفارتی تعلقات دے قیام نال ڈوہاں ملکاں وچال دوستی روز مستحکم تھیندی ویندی اے ،پاکستان تے چین دی یاری منڈھوں پکی اے
