اسلام آباد ۔ 26 مئی (اے پی پی) وفاقی وزیر مذہبی امور سردار محمد یوسف آکھے جو حضور نبی کریمۖ دی زندگی اتے تعلیمات کوں سامنڑیں رکھ تے مختلف مسالک وچال ہم آہنگی پیدا کیتی ونج سگدی ہے ۔ او خمیس کوں اتھاں قومی علماء و مشائخ کونسل دے اجلاس نال خطاب کریندے پئے ہن ۔ ایں موقعے تے وفاقی وزیر مذہبی امور سردار محمد یوسف آکھے جوعلماء تے مشائخ کونسل دے قیام دا بنیادی مقصد معاشرے اچ ہم آہنگی کوں فروغ ڈیونڑ ہے اتے ایں بارے ہک جامع حکمت عملی ڈیونڑ ہے تانجو معاشرے دے مختلف طبقیاں وچال تفرقہ دی صورتحال کوں روکیا ونج سگے ۔ انہاں آکھیا جو ہک انج ملک دے قیام دا مقصد وی اے ہئی جو اتھاں مختلف طبقات پوری آزادی دے نال آپنڑیاں زندگیاں گزار سگن، جڈانجو ڈکھ نال آکھنڑاں پوندے جو ایں طرح کجھ وی کائنی تھیا اتے ہک مٹھ قوم تھیونڑ دی جاہ تے اساں تفرقیاں اچ پئے گئے ہئیں۔
