اسلام آباد ۔ 17 مئی (اے پی پی) فاقی وزیر منصوبہ بندی،ترقی تے اصلاحات احسن اقبال آکھیا جو حکومت اقتصادی ترقی سانگے جدید انفراسٹرکچر بنڑاونڑ دی کوشش کریندی پئی اے۔منگل کوں جنرل الیکٹرک(جی ای) دے اہتمام نال مستقبل دے پاکستان دی تعمیر دے موضوع تے سیمینار نال خطاب کریندیں ہوئیں احسن اقبال آکھیا جو ترقی یافتہ ملکاں اقتصادی استحکام توں پہلے سیاسی استحکام کوں یقینی بنڑایا جڈانجو بد قسمتی نال پاکستان ایں بارے ناکام رہیا۔انہاں آکھیا جو آمریت دے ادوار اچ وی صنعتی ترقی اچ کوئی وڈی کامیابی حاصل کائنی تھئی۔احسن اقبال ایں اعتماد دا اظہار کیتا جو چین پاکستان اقتصادی راہداری گیم چینجر ثابت تھیسی۔وژن2025ء بارے گالھ مہاڑ کریندیں ہوئیں وفاقی وزیر آکھیا جو حکومت پاکستان اقتصادی ترقی سانگے جدید انفراسٹرکچر بنڑاونڑ دی کوشش کریندی پئی اے۔
