حکومت صنعتی کارکناں اتے بھٹہ مزدوراں دے بالاں کوں تعلیم ڈیواونڑ سانگے انقلابی اقدامات کریندی پئی ہے ،راجہ اشفاق سرور

خانیوال۔16 مئی(اے پی پی )صوبائی وزیرلیبر و ہیومن ریسورس راجہ اشفاق سرور آکھیا ہے جو حکومت پنجاب صنعتیکارکناں اتے بھٹہ مزدوراں دے بالاں کوں تعلیم ڈیواونڑ سانگے انقلابی اقدامات کریندی پئی ہے۔جیں نال صنعتی کارکناں اتے بھٹہ مزدوراں دا ہر بال تعلیم یافتہ تھی تے اپنڑے خاندان دا معاشی اتے سماجی معیار زندگی اچا کرنڑ دے نال نال ملک تے قوم دی خذمت اچ اپنڑاں کردار ادا کریسی ۔انہاں خیالاں دا اظہار انہاں نیسلے پاک دے تعاون نال 70لکھ روپے دی لاگت نال تعمیر تھیونڑ آلے گورنمنٹ پرائمری سکول الہ آباد دی عمارت دے افتتاح دے موقع تے خطاب کریندے ہوئیں کیتا ۔ایں موقع تے ڈی سی اشفاق احمد چوہدری ‘ ایم پی اے سرگودھا سائرہ افتخار ‘ ضلعی صدر مسلم لیگ (ن) راﺅ سعادت علی ‘ نائب ضلعی صدرمظفر محمود سیال ‘ ڈی او لیبر نوید سرور قریشی منیجر کارپوریٹ افئیرنیسلے وقارا حمد خان ‘ فیکٹری منیجر فیصل ندیم ‘ منیجر ایچ آر یاسر خان ‘ سیکورٹی منیجر کرنل (ر) محمد ظفر سمیت علاقہ دی ودھ ساری تعداد موجود ہئی