اسلام آباد ۔ 4 مئی (اے پی پی) وزیر مملکت برائے تعلیم انجینئر بلیغ الرحمان ایچ ای سی کوں تجویز پیش کیتی ہے جو خصوصی طلباء کوں انہاں دی خصوصی لوڑ اتے معذوری اچ سہولتاںڈتیاں ونجن، خصوصی لوکیں دیاں خصوصی ضرورتاں ہوندیاں ہن ، ہک تعلیم یافتہ معاشرے دی اے ذمہ داری ہے جو او انہاں خصوصی لوکیں دی لوڑ کوں پورا کرنڑ اچ مددگار ثابت تھیووے ۔ وزیر مملکت آکھیا جو توڑے ایچ ای سی گورنمنٹ سیکٹر دی یونیورسٹیاں اچ تعاون کریندا پئے ، ایں سانگے اے تجویز ڈتی ویندی ہے جو انہاں خصوصی افراددکی لوڑ اچ خاص اقدامات کرے۔ خصوصی افراد دی لوڑ سانگے ہک خصوصی پالیسی بنڑائی ویندی پئی ہے ،جیندے اچ ساریاں یونیورسٹیاں شامل ہوسن اتے ایں بارے ہک گرانٹ فارمولا وی ہوسی ، ایں فارمولے دی تعمیل کرنڑ آلیاں ساریاں یونیورسٹیاں کوں زیادہ اہم قرار ڈتا ویسی اتے جیہڑیاں یونیورسٹیاں چنگیاں سہولتاں ڈیسن انہاں کوں ایوارڈز ڈتے ویسن۔ وزیر مملکت وائس چانسلر علامہ اقبال اوپن یونیورسٹی ڈاکٹر شاہد صدیقی اتے چیئرمین فیڈرل بورڈ آف انٹر میڈیٹ اینڈ سیکنڈری ایجوکیشن ڈاکٹر اکرام علی ملک کوں خصوصی ہدایات جاری کرڈتن جو او ملازماں دی پیشہ وارانہ ترقی اتے سماجی بہبود کیتے تجویزاں پیش کرن۔
