اسلام آباد ۔ 9 مئی (اے پی پی)راولپنڈی اسلام آباد سمیت ملک دے اتلے کجھ جہیں تے تکھی ہوا اتے کھمنڑ نال مینھ وسسی جڈاں جو جنوبی علاقیاں اچ اندھاری آونڑ دا امکان ہے ۔ محکمہ موسمیات دے مطابق آندے 24گھنٹے دے دوران ملک دے بہوں سارے علاقیاں اچ موسم گرم تے رکھا رہسی تاں جو کشمیر، فاٹا، اسلام آباد، مالاکنڈ، ہزارہ، پشاور، مردان، راولپنڈی، سرگودھا، گوجرانوالہ، لاہور، فیصل آباد، کوئٹہ تے ژوب ڈویژن اچ کجھ جہیں تے تکھی ہوادے نال کھمنڑ نال مینھ وسنڑ دی توقع ہے۔ اینویں ہی جنوبی پنجاب(ملتان، ڈی جی خان، بہاولپور ڈویژن)، میرپورخاص اتے حیدر آباد ڈویژن اچ اندھاری اتے مٹی آلی ہوا چلسی۔گزریل24 گھنٹے دے دوران ملک دے بہوں علاقیاں اچ موسم گرم تے رکھا رہیا تاں جو سرگودھا، ژوب ڈویژن اتے فاٹا اچ ہک ڈو جہیں تے کھمنڑ نال مینھ وسیا ۔ ساریں توں ودھ مینھ پاراچنار 30، سرگودھا 2، ژوب1ملی میٹر ریکارڈ کیتی گئی۔گزریل ڈینھ پورے ملک اچ ساریں توں ودھ درجہ حرارت سبی اچ 47،رحیم یار خان، کوٹ ادو، نورپورتھل 46، سکھر، جیکب آباد، نوکنڈی، دالبندین، شہید بینظیر آباد، بہاولنگر، تربت اتے دادو اچ 45 ڈگری سینٹی گریڈ ریکارڈکیتا گئیا۔
