ریاض ۔ 23 مئی (اے پی پی)اجوکے سال رمضان شریف دے دوران 70لکھ دے نیٹرے مسلمان عمرے دی سعادت حاصل کریسن ،عمرزائرین کوں سہولتاں وختی پجاونڑ اتے بئے امور سانگے سعودی وزارت حج تے عمرہ دے ہزاراں ملازم ذمے واریاں پوریاںکریسن ۔سعودی میڈیا دے مطابق مدینہ اچ وزارت حج تے عمرہ دے عہدیدار محمد بیجاوی اپنڑے ہک بیان اچ آکھیا ہے جو اجوکے سال مصر 12لکھ 75ہزار 785عمرہ ویزیں دے نال پہلے،پاکستان 9لکھ 18ہزار 63عمرہ ویزیں دے نال ڈوجھے اتے انڈو نیشیا 6لکھ 55ہزار 163ویزیں دے نال تریجھے نمبر تے ہے،بھارت کوں 4لکھ 36 ہزار، ترکی کوں 4لکھ 39 ہزار ، اردن کوں 3لکھ 43 ہزار، الجیریا کو ں3 لکھ 13 ہزار، ملائشیا کو ں2 لکھ 11 ہزار،عراق کوں ہک لکھ 83 ہزار اتے برطانیہ کو ں77 ہزارجڈاں جو دنیا دے بئے ملکاں کوں 6 لکھ 95 ہزار عمرہ ویزے ڈتے گے ہن۔ رپورٹ دے مطابق اجوکے سال رمضان شریف توں پہلے اتے رمضان شریف دے دوران 70لکھ دے نیڑے عمرہ زائرین مدینہ منورہ اتے مکہ معظمہ پج ویسن ۔ حرمین شریفین پریذیڈنسی دے عبدالواحد الحتب عمرہ سیزن دے اپریشنل پلان دا جائزہ گھدا جیں دے تحت تمام سروس ڈائریکٹوریٹس دے 5 ہزار ملازم عمرہ سیزن دے دوران اپنڑے ذمے واریاں پوریاں کریسن ۔انہاں آکھیا جو پریذیڈنسی مکہ مکرمہ اتے مسجد نبوی اچ ٹھڈا آب زم زم فراہم کریسی ۔انہاں تصدیق کیتی جو حرمین شریفین اچ نماز دی ادائیگی دیاں جہیں تے بہترین معیار دے کارپٹ وچھائے گے ہن اتے انہاں جہیں کوں 24گھنٹے صاف رکھنڑ دے انتظامات کیتے گے ہن ۔انہاں ڈسایا جو تازہ ہوا سانگے مسیت نبوی دے صحن اچ 436پکھے اتے عازمین عمرہ کوں سورج دی تپش اتے گرمی توں بچاونڑ سانگے 250شیڈز لاتے گے ہن ۔
