اسلام آباد ۔ 13 مئی (اے پی پی) وزیراعظم دے مشیر خارجہ امور سرتاج عزیز آکھے جو ساری دنیا اتے اقوام متحدہ سمیت انسانی حقوق دے سارے اداریاں مطیع الرحمان نظامی دی پھانسی دی مذمت کیتی ہے۔ بنگلہ دیش اچ غیر منصفانہ ٹرائل کیتا ویندا پئے ، ڈھئی ترائے سالیں توں بنگلہ دیش اچ اے عمل جاری ہے، اے معاملے انسانی حقوق کونسل اتے عالمی برادری دے نال چاتے ویسن ، بنگلہ دیش دے اجوکے اقدامات کو ںاسلامی دنیا اچ وی پذیرائی کائنی ملی ۔ جمعے کوں ایوان بالا ا چ عوامی اہمیت دے معاملے تے بحث اچ حصہ گھندے ہوئیں مشیر خارجہ سرتاج عزیز آکھیا جو ارکان جنہاں جذبات کوں ظاہر کیتے ، اے ساری قوم دی ترجمانی کریندے ہن ، مطیع الرحمان دی طرح دے عالم دین دی شہادت تے ساریاں دے دل ڈکھی ہن ۔ ڈھئی ترائے سالیں توں بنگلہ دیش اچ اے عمل جاری ہے۔ ساری دنیا اچ ایندی مذمت کیتی ویندی پئی ہے ۔ یو این سیکریٹری جنرل اتے انسانی حقوق دے سارے اداراں ایندی مذمت کیتی ہے ۔ ترکی بنگلہ دیش اچوں سفیر سڈوا گھدے اتے سخت احتجاج کیتے ۔ بنگلہ دیش اچ غیر منصفانہ ٹرائل کیتا ویندا پئے ۔ پارلیمان کولوں ججاں کوں ہٹاونڑ دی طاقت ہے ایں سانگے ایں طرح دے فیصلے آندے پئے ہن ۔ ہیومن رائٹس کونسل اتے عالمی برادری نال رل تے ایں مسئلے کوں چیسوں ۔ پاکستان اتے بنگلہ دیش ماضی کوں بھلا تے آگوں ڈیکھنڑ دا معاہدہ کیتا ہئی جڈانجو سیاسی مخالفین کوں ہدف بنڑایا ویندا پئے ۔ قومی اسمبلی، پنجاب اسمبلی اتے کے پی کے اسمبلی مذمتی قراردادیں منظور کیتیاں ہن اتے اساں بنگلہ دیش نال سخت احتجاج کیتے ۔
