سال 2020ءتائیں پٹرول دی ملکی طلب 8ملین ٹن توں ودھ ویسی

اسلام آباد ۔ 11 مئی (اے پی پی)سال 2020ءتائیں پٹرول دی ملکی طلب 8ملین ٹن توں ودھ ویسی جڈانجو ایں ویلھے پٹرول دی سالانہ طلب 4.73 ملین ٹن ہے ۔ آئل کمپنیز ایڈوائزری کونسل دے سی ای او الیاس فاضل اپنڑے ہک بیان وچ آکھیا جو آونڑآلے سالاں دے دوران ڈیزل اتے فرنس آئل دے مقابلے وچ پٹرول دی مقامی کھپت وچ نمایاںودھارا متوقع ہے۔ انہاں آکھیا جوگزریل مالی سال دے دوران3.12 ملین ٹن پٹرول درآمد کیتا گیا ہائی جڈانجو جاری مالی سال وچ صرف 10 مہیناں دے دوران3.47 ملین ٹن پٹرول دیاں درآمدات کیتیاں گئیاں ہن اتے صرف اپریل2016ءدے دوران 4 لکھ14ہزار396 ٹن پٹرول درآمد کیتا گیا ۔ انہاں آکھیا جو پٹرول دی مقامی کھپت وچ ودھارے دی وجہ نال سال 2020ءتائیں پٹرول دی مقامی طلب 8 ملین تائیں ودھنڑ دا امکان ہے۔