اسلام آباد ۔ 24 مئی (اے پی پی) سپیکر قومی اسمبلی سردار ایاز صادق ‘ ضوابط کار (ٹی او آرز) دی تشکیل سانگے 12رکنی کمیٹی دا اعلان کر ڈتے جئیں اچ اپوزیشن اتے حکومت دے 6,6ارکان شامل ہن ۔قومی اسمبلی سیکرٹریٹ ولوں منگل کوں جاری نوٹیفیکیشن دے مطابق کمیٹی اچ حکومت ولوں وفاقی وزراء سینیٹر اسحاق ڈار، خواجہ سعد رفیق، خواجہ محمد آصف، اکرم خان درانی، وزیر مملکت انوشہ رحمن ایڈووکیٹ، سینیٹر حاصل بزنجو جڈانجو اپوزیشن ولوں سینیٹر چوہدری اعتزاز احسن، سینیٹر محمد علی سیف، سینیٹر الیاس احمد بلور، مخدوم شاہ محمود قریشی، صاحبزادہ طارق اﷲ اتے چوہدری طارق بشیر چیمہ دے ناں شامل ہن ۔وفاقی وزیر قانون تے انصاف کمیٹی دے بلحاظ عہدہ رکن ہوسن ۔کمیٹی پانامہ پیپرز اچ چاتے گئے متنازعہ معاملے،آف شور کمپنیاں ،پاکستاں توں باہرلے ملک کرپشن اتے کمیشن دی رقوم منتقل کرنڑ اتے بینک قرضے معاف کراونڑ آلیاں بارے ٹرمز آف ریفرنس (ٹی او آرز) بنڑا کراہیں ڈو ہفتیاں اچ رپورٹ بنڑیسی۔
