اسلام آباد ۔ 20مئی (اے پی پی) ایوان بالا یتیم اتے لاوارث بالاں دے حقوق دے تحفظ سانگے قرار داد ساریں دی صلاح نال منظوری کر گھدی۔ جمعے کوں ایوان بالا دے اجلاس اچ قائد ایوان سینیٹر راجہ ظفر الحق قرار داد پیش کیتی جو 15رمضان کوں یتیم تے لاوارث بالاں دا ڈینھ قرار ڈتا ونجے ،ایندے نال یتیماں تے لاوارث بالاں دے سلسلے اچ پالیسیاں اتے منصوبے بنڑاونڑ اچ مدد ملسی ۔ قرارداد اچ آکھیاگیا جو یتیم تے لاوارث بال دنیا اچ ساریں توں ودھ نظر انداز کیتے ویندے ہن اتے ساریں توں توجہ دے مستحق ہن ایں سانگے انہاں دی فلاح تے بہود تے خصوصی توجہ ڈتی ونجے ،ایوان بالا قرار داد منظوری کر گھدی
