شعبان المعظم داچندر ڈیکھنڑ سانگے زونل اتے ضلعی رویت ہلال کمیٹیاں دے اجلاس اج تھیسن

اسلام آباد ۔ 6 مئی (اے پی پی) شعبان المعظم دا چندر ڈیکھنڑ سانگے زونل اتے ضلعی ہلال کمیٹیاںدے اجلاس (اج) ہفتے کوں تھیسن۔ مرکزی رویت ہلال کمیٹی دے چیئرمین مفتی منیب الرحمن کراچی اچ سندھ زونل کمیٹی دے اجلاس دی صدارت کریسن جڈاں جورویت ہلال کمیٹی دے بئے ارکان اپنڑیاں متعلقہ جہیں تے اجلاساں دی صدارت کریسن ۔ اسلام آباد دی ضلعی ہلال کمیٹی دا اجلاس وزارت مذہبی امور اچ تھیسی۔ محکمہ موسمیات دے ہیڈکوارٹر کراچی اتے وزارت مذہبی امور اچ اطلاعاتی مرکز قائم کر ڈتے گے ہن۔پورے ملک توں ملنڑ آلیاں شہادتاں کوں سامنڑے رکھیندے ہوئیں چندر دے حوالے نال حتمی اعلان کیتا ویسی ۔