اسلام آباد۔ 11 مئی (اے پی پی) صدر مملکت ممنون حسین آکھیا اے جو پاکستان اج شاندار انقلاب دے رستے تے کھڑا ہے ،چین پاکستان اقتصادی راہداری دی شکل اچ ملک دی ترقی تے کامیابی دے امکانات روشن تھے ہن ،پچھلے دور اچ بدعنوانی اتے بد انتظامی ملک کوںودھ سارا ضیان پجا یا ہے تاں جو ہنڑ ملکی معاملات چنگے پاسے ویندے پئے ہن ،نینگر نویں دوے دے چیلنج نال نبڑنڑ سانگے خود کوں تیار کرن ۔او بدھ کوں اتھاں جناح کنونشن سنٹر اسلام آباد اچ بحریہ یونیورسٹی دے 15ویں کانووکیشن توں خطاب کریندے پے ہن ۔ایں موقع تے پاک بحریہ دے سربراہ ایڈمرل محمد ذکاءاللہ اتے ریکٹر بحریہ یونیورسٹی وائس ایڈمرل (ر) تنویر فیض وی موجود ہن۔ صدر مملکت آکھیا جو پاکستان اج شاندار انقلاب دے رستے تے کھڑا ہے جیں اچ ترقی اتے کامیابی دے بہوں سارے امکانات روشن ہن ،اے امکانات چین پاکستان اقتصادی راہداری دی شکل اچ روشن تھئے ہن ۔
