اسلام آباد ۔ 18 مئی (اے پی پی) صدر مملکت ممنون حسین آکھیا ہے جو حکومت ملک اچ عوام کوں صحت دیاں چنگیاں سہولتاں دی فراہمی سانگے پکے اقدامات کریندی پئی ہے ۔انہاں اے گالھ پارلیمانی سیکرٹری نیشنل ہیلتھ سروسز، ریگولیشنز اینڈ کوآرڈینیشن ڈاکٹر درشن پونچی نال بدھ کوں ایوان صدر اچ گالھ مہاڑ کریندے ہوئیں آکھی ۔ صدر ممنون حسین آکھیا جو حکومت ولوں عوام کوں صحت دیاں سہولتاں دی فراہمی دے ضمن اچ کئی نشابر اقدامات چاتے گے ہن ۔انہاں آکھیا جو عوام کوں سستی تے معیاری صحت دیاں سہولتاں تئیں آسان رسائی دی اہمیت تے زور ڈیندے ہوئیں آکھیا جو صحت مند انسانی وسائل دی ترقی قوم دی ترقی تے خوشحالی دی مثال ہوندی ہے ۔انہاں ایں گالھ تے زور ڈتا جو ساریں کوں اپنڑے ٹیکس ادا کرنڑ ے چاہیدن تاں جو عوام کوں صحت دیاں ودھ توں ودھ سہولتاں دی فراہمی سانگے سوائل پیدا کیتے ونج سگن ۔
